“Makina bat taupada” materialen katalogoa

Aurtengo Euskal Eskola Publikoaren Jaiaren materialen katalogo polita prestatu dugu modelo hoberenekin: Errenteriako Koldo Mitxelena eskola publikoko ikasle, guraso, irakasle eta aitona-amonak.

Begiratu ondo eta lortu itzazu. Hiru aukera dituzu:

  • Denda ibiltaria: adi sare sozialetan argitaratzen dugun agendari.
  • Zure federazioan egin eskaria.
  • On-line denda: oporren bueltan izango dugu prest.

*Deskargatu hemen katalogoa.

Posted in Errenteria, Makina bat taupada, Material, Materiala | Tagged , , , , , , , , , | Comments Off on “Makina bat taupada” materialen katalogoa

EUSKAL ESKOLA PUBLIKOKO KIDEEN TERTULIA ERRENTERIAN

“Makina bat taupada” lelopean ekainaren 2an Errenterian egingo dugun Euskal Eskola Publikoaren Jaiaren baitan, joan zen larunbatean, abenduak 1, Merkatuzarren bildu ginen Oarsoaldeako eskola publikoko ikas komunitateko hainbat kide. Kafetxo bat hartu, eta euskal eskola publikoaren egoerari, iraganari eta etorkizunari buruz hitz egin genuen, guztion artean errelato partekatua osatzen saiatzeko. Hausnarketa oso interesgarriak agertu ziren bertan, eta saioa bideoz grabatu zen, egun horretako bizipen, esperientzia eta elkarrizketak jasoko dituen dokumental bat egiteko.

 

Posted in Errenteria, Euskara, Hitzaldia, Ikastetxeak, Kultura, Makina bat taupada | Comments Off on EUSKAL ESKOLA PUBLIKOKO KIDEEN TERTULIA ERRENTERIAN

“MAKINA BAT TAUPADA” MATERIALAK GABONETAKO OPARIAK EGITEKO

Egun hauetan hainbat aukera izango dituzue “Makina bat taupada” materialak erosteko. Hona hemen gure denda ibiltariaren agenda:

·Abenduak 8: Durangoko Azokan 10etatik-19ak arte.

·Abenduak 15: Oiartzunen 10etatik-14ak arte.

·Abenduak 16: Lezon 10etatik- 14ak arte.

·Abenduak 21: Errenterian 10etatik 19ak arte.

·Abenduak 26: Ordizian 10etatik-14ak arte.

 

Posted in Errenteria, Euskara, Makina bat taupada, Material, Materiala | Comments Off on “MAKINA BAT TAUPADA” MATERIALAK GABONETAKO OPARIAK EGITEKO

EUSKAL ESKOLA PUBLIKOKO KIDEEN TERTULIA OSPATUKO DA LARUNBATEAN ERRENTERIAN

Larunbat honetan, abenduak 1, Euskal Eskola Publikoko kide izan diren edo diren lagunen tertulia ospatuko da Merkatuzarren. Euskaraldiaren baitan kokatzen da jarduera hau eta bere helburua da guztion artean Errenteriako eskola publikoaren errelato partekatua osatzea.

Jarduera goizeko 11etatik ordubatera egingo da.

Informazio gehiago: https://eepkomunitatea.blogspot.com/

 

 

Posted in Bilerak, Euskara, Hitzaldia, Kultura, Makina bat taupada | Tagged , , , , , , , , | Comments Off on EUSKAL ESKOLA PUBLIKOKO KIDEEN TERTULIA OSPATUKO DA LARUNBATEAN ERRENTERIAN

OARSOALDEKO IKASTETXE PUBLIKOEN TOPAKETA

2019ko ekainaren 2an, Errenteriak Euskal Eskola Publikoaren Jaia hartuko du, ‘Makina bat taupada’ lelopean, eta jaiaren harira ikasturtean zehar antolatuko ditugun ekitaldietan lehena Oiartzunen egin genuen, urriaren 21ean. Oarsoaldeko ikastetxe publikoen topaketa izan zen, eta bertan bildu ginen Oiartzun, Lezo eta Errenteriako ikastetxe publiko guztietako hainbat familia.

Lezo eta Errenteriako familiak goizeko 9:30ean bildu ginen Errenterian, Zumardian, eta bidegorrian barrena bizikletaz joan ginen Elizalde eskolaraino. Bertan, harrera egin, eta hamaiketako bikaina eskaini ziguten, indarberritzeko.

Pixkana-pixkana, gero eta jende gehiago hurbildu zen Elizaldera, eta 11:00ak aldera kalejira hasi genuen Oiartzungo kaleetan barrena. Jende mordoa bildu ginen kalejiran, eta trikitilariak, txistulariak eta ikastetxeetan sortutako buruhandiak izan genituen bidelagun.

Herriko plazara iristean, Elizalde Dantza Taldeko kideek agurra dantzatu zuten, eta txalaparta soinuez gozatzeko aukera ere izan genuen. Ondoren, 2019ko ekainaren 2an Errenterian egingo den jaia aurkeztu genuen, aukeratutako logoaren eta leloaren nondik norakoak azalduta, eta bertso batekin eman genion amaiera plazako ekitaldi xumeari.

Berriz Elizaldera itzulita, bertaratutako familiok aukera izan genuen elkarrekin jolasteko, eta etxeko txikienek eskolako paretetako batean mural bat margotu zuten. Goizeko ekintzak amaitzeko, zenbait gurasok horma horretan zintzilik zegoen oihala kendu, eta agerian geratu zen Euskal Eskola Publikoaren Jaiko logoa, Elizaldeko gurasoek margotua eta patioa apainduko duena ikasturte osoan zehar.

Goizekoak amaituta, bazkarirako ordua iritsi zen. Hirurehun bat pertsona elkartu ginen bertan bazkaltzen, eta guztien artean antolatu genituen mahaiak eta aulkiak. Etxetik eramandako jaki goxoak mahai gainean jarrita, elkarrekin partekatu ahal izan genituen. Oiartzunen egindako topaketan aparteko giroa sortu zen familien artean, eta egun bikaina igaro genuen guztiok, haur zein guraso.

 

 

 

Posted in Aurkezpena, Balorazioa, Euskara, Ikastetxeak, Makina bat taupada, Sin categoría | Tagged , , , , , , , , | Comments Off on OARSOALDEKO IKASTETXE PUBLIKOEN TOPAKETA

OARSOALDEKO IKASTETXE PUBLIKOEN TOPAKETA OIARTZUNEN

2019ko ekainaren 2an, Errenteriak Euskal Eskola Publikoaren Jaia hartuko dugu, ‘Makina bat taupada’ lelopean. Hori dela eta, ikasturtean zehar jaiaren aldeko hainbat ekitaldi eta festa antolatuko ditugu eskualdeko herrietan, honako hauek helburutzat hartuta: Oarsoaldeko ikastetxe publikoak elkartzea, gure eskualdean eskola publikoa indartzea eta behar duen babesa eskatzea. Ekitaldi horietan lehenengoa Oiartzunen egingo dugu, urriaren 21ean, igandea. Goizeko 9:30ean elkartuko gara Errenteriako Zumardian, eta Oiartzungo Elizalde Herri Eskolara abiatuko gara, bizikletaz, bertan jardueraz betetako egun-pasa egiteko. Egun horretako egitaraua ezagutu nahi baduzu, sartu Koldokide Guraso Elkartearen blogean

Animatu parte hartzera!

Posted in Errenteria, Euskara, Ikastetxeak, Kultura, Makina bat taupada | Tagged , , , , , , , , | Comments Off on OARSOALDEKO IKASTETXE PUBLIKOEN TOPAKETA OIARTZUNEN

Oarsoaldeako ikastetxeak

Oarsoaldeako ikastetxeei buruzko informazioa bildu dugu “Oarsoaldeako ikastetxeak” izeneko atalean.

Sei ikastetxe publiko daude Errenterian eta 2.500 ikasle guztira: Koldo Mitxelena LHI eta BHI, Cristobal Gamón LHI eta BHI, eta Bizarain LHI eta BHI.

Horietaz gain, beste 6 ikastetxe publiko daude Oarsoaldean eta beste 1.850 ikasle: Lezo LHI eta BHI, Oiartzungo Elizalde LHI ta BHI eta Pasaiako Karmengo Ama LHI eta BHI.

*Joan atalera: http://www.euskaleskolapublikoarenjaia.eus/oarsoaldeko-ikastetxeak/

Posted in Ikastetxeak | Comments Off on Oarsoaldeako ikastetxeak

Ikasturte berri on!

Gogoratu aurtengo hitzordua: ekainaren 2an Errenterian ikusiko gara! 

 

Posted in Errenteria, Euskara, Kultura, Makina bat taupada, Sin categoría | Tagged , , , , , , , | Comments Off on Ikasturte berri on!

Euskal Eskola Publikoaren Jaia aurkeztu dugu Errenterian

Gaur eguerdian Euskal Eskola Publikoaren 28. Jaia aurkeztu dugu Errenteriako Udaleko biltzar aretoan. Bertan egon dira Julen Mendoza, Errenteriako alkatea, Garazi Lopez de Etxezarreta, Hezkuntza zinegotzia, Leire Zarra Koldo Mitxelena eskola publikoko zuzendaria, Maialen Oliveri, Koldo Mitxelena eskola publikoko ama eta Lurdes Imaz EHIGEko koordinatzailea.

EUSKAL ESKOLA PUBLIKOAREN JAIA
1994tik, Euskal Eskola Publikoaren Jaia ospatzen dugu guraso elkarteok eskola-komunitateetako gainontzeko kideekin batera, eskola publikoa hezkuntza-sistemaren ardatza izan behar dela aldarrikatzeko asmoz.

Ikastetxe publiko batekin elkarlanean antolatzen du EHIGE-k urtero jai hau. Oraingo honetan Errenteriako ikastetxe publikoekin elkarlanean.

Ekaineko aurreneko igandean ospatzen dugu jaia. Ekainaren 2an izango dugu beraz 2019ko hitzordua.

IRUDIA ETA LELOA
“Makina bat taupada” da Euskal Eskola Publikoaren 28. Jaiaren leloa. Irudia sortzeko, Errenteriko ezaugarri propioak bilatzen hasi ginen eta Errenteriak herri bezala historian izan duen ezaugarri nabarmenena industria izan dela kontsideratu dugu. Izan ere XX. mende hasieran herriak zituen lantegi eta langile kopuruagatik “Manchester txikia” deitzen zitzaion. Estatutik familia asko etorri ziren lan bila eta herria eraldatu zen. Gaur egun mantentzen dituen ezaugarri asko horren ondorio dira.

Industria hori irudikatzeko engranajea aukeratu dugu, ohiko elementua eta erraz identifikatzen dena delako. Eskolako komunitatea osatzen dugunok izango ginateke engranajeak, elkarrekin lanean aritu behar dugunok. Batek huts egiten badu makina ez dabil.

Eta irudi horri lotuta sortu ze leloa: “Makina bat taupada”. Makina, alde batetik, asko garelako Euskal Eskola Publikoan ari garenak, eta bestetik, engranaje horiek elkartasuna, bizikidetza eta inklusibitatea irudikatu nahi dutelako, denon artean makina handi bat osatuaz.

ESKOLA PUBLIKOA ERRENTERIA ETA OARSOALDEAN
Sei ikastetxe publiko daude Errenterian eta 2.500 ikasle guztira: Koldo Mitxelena LHI eta BHI, Cristobal Gamón LHI eta BHI, eta Bizarain LHI eta BHI.

Horietaz gain, beste 6 ikastetxe publiko daude Oarsoaldean eta beste 1.850 ikasle: Lezo LHI eta BHI, Oiartzungo Elizalde LHI ta BHI eta Pasaiako Karmengo Ama LHI eta BHI.

EHIGE
Federatutako 500 IGE baino gehiagorekin, Euskal Eskola Publikoaren baitan ordezkaritza handiena duen erakundea da EHIGE. Baikara, BIGE, Denon Eskola, Gipuzkoako Eskola Txikiak eta Ikas-bi federazioek osatzen dute.

Euskal hezkuntza sistemaren oinarrizko ardatz egituratzaile izango den eskola publiko euskalduna, kalitatezkoa, inklusiboa, ekitatiboa, demokratikoa, laikoa, berritzailea eta solidarioa defendatzen du EHIGEk.

Euskal Eskola Publikoaren Jaia da urtero antolatzen duen jarduera publiko garrantzitsuena.

Posted in Aurkezpena | Comments Off on Euskal Eskola Publikoaren Jaia aurkeztu dugu Errenterian

Uztailak 18: Euskal Eskola Publikoaren 28. Jaia aurkeztuko dugu

Asteazken honetan, uztailak 18, Euskal Eskola Publikoaren 28. Jaia aurkeztuko dugu. Errenterian ospatuko da Euskal Eskola Publikoaren Jaia 2019ko ekainaren 2an “Makina bat taupada” lemapean.

Posted in Aurkezpena | Comments Off on Uztailak 18: Euskal Eskola Publikoaren 28. Jaia aurkeztuko dugu