Irudi eta web gune berria estreinatu ditu Urduña Herri Eskolak
Irudi eta web gune berria ditu Urduña herri eskolak, aste honetan estreinatuak. 30 urte beteko ditu aurten 200 ikasle eta 25 irakasle inguru dituen haur eta lehen hezkuntzako ikastetxe publiko honek.
Web gune txukuna eta erabilgarria atondu dute, ikastetxeari buruzko informazio garrantzitsuenarekin: etapak, ildo pedagogikoak, instalazioak, zerbitzuak eta komunitateari buruzko informazio guztia.
Horiekin batera, ikastetxearen xedea, baloreak eta ibilbideari buruzko informazioa jasotzen da.
Pozgarria da Euskal Eskola Publikoaren Jaiaren kontestuan, gaur egun hain garrantzitsua den komunikazioa hobetzeko ahalegin hau egin izana.
